الزوج المثالي

طبعا احنا بقينا اصحاب وحبايب

وانا اطمنت ليكم

علشان كده هاقولكم علي سر

الموضوع ده حصل معايا من حوالي 100سنه

الا 3 ايام وخمس دقايق بالظبط

علشان ما فيش حد يقول عليا كداب ماشي

يعني اول ما اخترعوا البيض

وديه حكاية اول اختراع

بما اني راجل متزوج وبحب اساعد في شغل البيت

يعني المدام تطبخ وانا اكل

او مثلا تغسل وتكوي وانا البس

يعني اهو برده مجهود الواحد يشكر عليه

حد عايز يقول حاجه قبل ما اكمل

انت بالذات ما تتكلمش ولا انتي

قول ايه قلت لنفس لا زود المساعده شويه واهو كله ياواد

في ميزان حسناتك

المهم خليت المدام نزلت للسوق وقلت اعمل حاجه مفيده

واخليهالها مفاجأه

رحت ماسك كام بيضه وقلت اعمل حاجه تشكرني عليها العمر كله

وحطيت البيض علي النا ر وطبعا حطيت مايه

احسن تقولو ا دا ما بيعرفش يعمل حاجه

وشغلت البوتجاز

وقلت اتفرج علي الماتش بتاع الاهلي علي ما البيض يستوي

وياريته ما استوي

وكل ما اجي ااوم ابص علي البيض تيجي هجمه للنادي الاهلي

ااول خليك بعد الهجمه ديه

لغاية ما سمعت بوم الكلام ده سر مايطلعش بره

قمت جريت قولت اشوف فيه ايه احسن يكون حد بيتخانق ووصلت

لضرب النار وطبعا وانا في طريقي للبلكونه عديت علي المطخ

اهو في سكتي وقلت ابص علي البيض

وكانت المفاجئه ما ليقتش البيض علي النار

فضلت ادور عليه قول ساعه او اتنين يجيي 3 او 4ساعات

اصل انا بالي طويل شويه

ولما مالقيتش البيض قولت ياواد ارفع ايدك في السما

وقول يارب البيض راح فين

وعينكم ما تشوف الا النور لسه بارفع ايدي

شفت اجمل سقف في حياتي لو اجتمع مهندسين الديكور كلهم

علشان يعملوا الشغل اللي عمله البيض

ما كانوش ها يعرفوا

انا بالذات ما تتكلمش ولا انت

لغاية كده وكل اللي حصل ده مش مشكله المشكله

انا ها اتصرف ازاي قبل المدام ماترجع

دا الموضوع هايبقي فضيحه بجلاجل زي ما بيقولو

ومش بعيد تعمل اجتماع نسوي علشان تحكيلهم اللي حصل

وفضلت افكر اعمل ايه استخبي

ولا انزل العفش علي ما ترجع واقولها احنا نعزل في شقه اوسع

ممكن ما الحقش ووتكون رجعت

طيب اخبي اركان الجريمه ويمكن ما ترفعش راسها لفوق

ولا اقولها جبت مهندس ديكور بوز السقف

اصل الموضوع مش سهل زي ما انتو فاكرين

وبعد جهد جهيد قلت اعترف باللي حصل

واسافر سنه ولا اتنين وارجع تكون نسيت الموضوع

وسافرت لكن الموضوع ما اتنساش

فاهمين يعني ايه

ما اتنساشششششششششششش