الاثنين، 16 فبراير، 2009

الرغيف المستفذ

السلام عليكم ورحمة الله وبركاته
استفذني ما كتبته الاستاذه صاحبة مدونة حماتي ملاك او المفقوعه مرارتها
بما كتبته عن مقاطعة شراء السيارات الجديده وكأننا امتلكنا كل شئ الا السيارات ،مما جعلني افكر في ان امتلك رغيف
عيش حقيقي ويكون اسمه علي مسمي ،ويكون مدعم علي قد حال ناس كتيييييييييييروعندما ذهبت وتجولت علي الافران
بحثا عن هذا الرغيف لم اجده ولكني ولله الحمد وجدت ما يسمي بالرغيف نسبة لما كنا نأكله ايام ما كان فيه ضمير المهم اشتريته وذهبت به للمنزل وسألتني المدام ما هذا ولكني بصراحه بعد تفكير دام كثيرالم اجد اجابه مقنعه علي هذا السؤال الصعب الاجابه عليه هذا لاني لا اجيد الكذب فمسكت الرغيف وقلت اجبره علي الاعتراف بأسمه الحقيقي ومن اين جاء ان كان دخيلا علينا فلم يقر ولم يعترف فقلت التقط له بعض الصور لكي اجد من يتعرف عليه وحاولت ان اصوره من جميع الاتجاهات ولكن استعصي عليه الامر لاني كنت احاول ان اجمله او احسن من مظهره حتي لا افضح امره **
وفي وسط هذه المشاكل والمشاغل بالرغيف خطر علي بالي ان اسأل المفقوعه مرارتها سؤال واتمني ان تجيبني عليه هي او من يعرف الاجابه عليه (لوكان معايا بدل ثمن هذا الرغيف ثمن الف رغيف ممكن اشتري بيهم سياره قديمه تغنيني عنه قصدي عن الرغيف ولا فيه بدائل اخري اقل ثمن مثل البسكويت او اي بدائل اخري من المأكولات الرخيصه مثل الجمبري او الاستاكوزا او الكفيار؟
ارجوكم اجيبوني بسرعه قبل ان اموت جوعا انا ومن لم يمتلك ثمن السياره الجديده او حتي التكتوك)))

هناك 31 تعليقًا:

mohamed ghalia يقول...

ومين سمعك
إحنا كمان نفسنا فى العيش ده
دمت بكل الود أخى

fashkool يقول...

ازيك يا محمد يا فارس
هو الواحد بيحلم انه يشترى سياره.. وبرضه بيحلم انه يشترى رغيف ولا تكتوك طب ايه العلاقه بين الرغيف والسياره ولا التكتوك .. مش عارف شراء السياره تخاريف وشراء التكتوك تخاريف والمشكله والمهببه بهباب والفضيحه اللى فى العالم كله ان الرغيف برضه تخاريف .. فى الايام العاديه كان الرغيف مشكله .. امال فى الازمه العالميه دى .. العالم حتاكل بعضها عشان ما فيش اكل
تحياتى

حاجات جوايا يقول...

السلام عليكم سيدى الفاضل

لا داعى للاستفزاز
أرى ان فكرة سحر " المفقوعة مرارتها " جيدة .. فعندما قرات البوست لم التفت لما جاء فيه من مقاطعة شراء السيارات الجديدة .. فلن استطيع شراء سيارة جديده ولا قديمه ولا توكتوك حتى .. لكننى التفت الى معناه .. فامام جشع التجار فى كل السلع سواء كانت استهلاكية او معمرة وامام انخفاض الاسعار فى العالم كله الا فى مصر .. فلا مفر من المقاطعة للسلع التى يمكننا الاستغناء عنها ولو قليلا لاجبار التجار على خفض سعرها خوفا من فسادها

والمجتمع طبقات وهناك من توجه اليه دعوة سحر فمن لديه سيارة يسعى باستمرار الى تغييرها وتحديث موديلها من فترة لأخرى ولا يكتفى باول سيارة اشتراها .. والتغير سمة الحياة

تقبل تحيتى اخى الفاضل
سالى

Beram ElMasry يقول...

الاخ العزيز . محمد فارس
السلام عليكم ورحمة الله وبركاته
(ارجوكم اجيبوني بسرعه قبل ان اموت جوعا) ... اتا اجيبك ، ثلاثة من الخرافات يستحيل وجودها ، الغول والعنقاء والرغيف الحسن فى ارض مصر
لك تحياتى والسلام عليكم ، ولا سلام مع اليهود

محمد فارس يقول...

الابن الغالي محمد
اشكرك جدا علي زيارتك التي دائما ما تملاء
قلبي بالسرور اسعدك الله وجعلك دائما من عباده الصالحين**

محمد فارس يقول...

الاستاذ_(فشكووووول)
حضرتك نورت المدونه بزيارتك الغاليه
حضرتك بتسأل ايه العلاقه بين السياره
والرغيف (((والاجابه ان السياره بتسعد
الاغنياء **والرغيف برضه بيسع الفقراء)
وياخوفي ييجي يوم زي ما بتقول
والناس باكل بعضها
اعزك الله وادام الابتسامه علي شفتيك

محمد فارس يقول...

الاخت الغاليه صاحبة مدونة حاجات جوايا
اسعدتني زيارتك للمدونه واسعدتني ايضا وجهة نظرك ودفاعك عن وجهة نظر الاخت سحر
صاحبة مدونة المفقوع مرارتها ولولا تعليق حضرتك الذي هدأمن روعي لفقعت مرارتي انا الاخر**
اشكرك جدا واتمني ان تدوم زيارتك
للمدونه حتي تضاء جوانبها المظلمه

محمد فارس يقول...

الاستاذ الكبير بيرم المصري
اشكرك جدا لزيارتك وانا دائماما اقوم بزيارة مدونتك واتمني ان اتشجع بجرأتك لكي
اعلق علي كل ما تدونه او حتي اكتب ما بداخلي
ادام الله عليك الصحه واسلمك من كل مكروه

المـــفـــــــقــــــــوعـــــة مــرارتـهــا يقول...

آسفة جداً لو كنت قلبت عليك المواجع
بس بجد انا ماكانش قصدي
انا قريت عن الجروب بتاع العربيات في الجرايد وعجبتني الفكرة
لاني بيني وبينك وكلام في سرك بعيد عن الأمن ربنا يحفظنا منهم مع اي حد يعترض في زمن عز فيه الاعتراض
انا مع الايجابية انا مع اضراب الصيادلة للحصول علي حقهم ومع اي اضراب يحاول يحسس الحكومة انها بتحكم بني آدمين ليهم فكر وليهم عين بتشوف العالم التانية عايشة ازاي مش مجرد مجموعة خاضعة مستكينة
وصدقني يوم ماهايتعمل اضراب لتحسين الرغيف هاتلاقيني اول واحدة هاتكتب عنه في مدونتها انا ممكن اعمل الاضراب دا بنفسي بس خايفة من مصير اسراء المشؤوم ومصير ايمن نور
الحكومة اصلها كل شوية تاخد واحد كبش فدا عشان تعرف الناس انها حاكمانا بيد من نار والاخري من حديد
ولو اني شايفة ان اضراب العيش هايبقي صعب شوية لانه عشان ينفع لازم شعب مصر بجميع فئاته يشاركوا فيه بجد لكن للاسف اللي هايحصل انك هاتلاقي ناس هاتستغل الفرصة وتنزل تشتري عيش ليها وللزمن لان الطوابير ممكن تخف يوميها
اوعي تزعل مني وقريب اوي هاكتب عن الرغيف اللي مابقيناش لاقيينه

محمد فارس يقول...

الاستاذه الفاضله
سحر المفقوعه مرارتها
اولا انا اشكرك جدالدبلوماسيتك في الرد
ثانيا انا مش زعلان وبجدبجد انا سعيد جدااالزيارتك اللي شرفت المدونه اللي علي قد حالي
بس انا كان قصدي انك لما تكتبي وخصوصا
انك بقيتي مؤلفه** تراعي وتكلمي جميع الطبقات ولا تخصي طبقه بعينهاساعتها الكل هايتابع كتاباتك وستكوني ناجحه
جدا وبمجموع كمان
انا اسف ان كان زعلك تعليقي
وخصوصا لو حضرتك من الطبقه اللي احنا منها قصدي (الكادحه)اما لو كنتي منهم فأنا قبلت اسفك
مع تمنياتي لك بالنجاح الباهر في حياتك

عايش... ولكن !!!! يقول...

مفيش شغل
مفيش اكل
مفيش سيارات
مفيش راحه
مفيش عيش
مفيش حاجات كتير اوى
بس احنا بنصبر نفسنا باللى موجود واهو كله مع العرب صابون :)

المـــفـــــــقــــــــوعـــــة مــرارتـهــا يقول...

اخي العزيز محمد
مافيش زعل ولا حاجة انا اقبل النقد البناء وعلي فكرة انا قريت المقالة تاني ولاقيت انها فعلا مستفزة قال باأوجه لمجموعة من الشباب الكادحين نداء بعدم شراء سيارة ... علي فكرة انا مش هااشتري سيارة بس مش عشان الاضراب لا سمح الله عشان اختك من الطبقة التحت الكادحة فانا رغم اني بااكتب في مجلة وجريدة لكن الكتابة فيهم لوجه الله والوطن حاجة كدة زكاة عن صحتنا وعافيتنا حتي الكتاب معروف انه بيبقي خسران في اول طبعة يعني اختك علي الحديدة ومالهاش دخل غير مصروف ايديها الذي لا يصلح لشراء فردة كاوتش عربية نص عمر فغيرت تركيب الكلمات فعلاً حتي لا تبقي سُبة في جبين المدونة

انت تسال والكمبيوتر يجيب يقول...

دعوه
الأخ العزيز/
تحيه طيبه
برنامجنا الأذاعى عن النت والمدونات من الأذاعه الرئيسيه لمصر اى اذاعة البرنامج العام يذاع يوميا التاسعه وعشر دقائق صباحا عدا الجمعه
ندعوك لزيارة مدونتنا والتعليق على ما نطرحه من موضوعات وهذه التعليقات تذاع باسماء اصحابها فى حلقات برنامجنا

وبموقعنا رابط بالضغط عليه والأتنتظار قليلا وقت أذاعة البرنامج يمكنك الأستماع الينا
المدونه
http://netonradio.blogspot.com
الموقع
http://dear.to/cairo

محمد فارس يقول...

السلام عليكم ورحمة الله وبركاته
انا متشكر جدا لزيارتك لمدونتي اللي مافيش فيها حاجه
بس انا زعلان منك *انت ليه بتبس لنصف الكوب الفاضي؟ وعمال تقول مافيش ما فيش لاءفيه حرقة دم وفيه خنقه وفيه حاجات كتير مااقدرش اقولها **خليك متفائل
مع تمنياتي لك بما تتمناه لنفسك

محمد فارس يقول...

الاخت المفقوعه مرارتها(سحر)
انا متشكر جدا لزيارتك ليه للمره الثانيه واسف لو كنت سببت لحضرتك
احراج بس ارجوكي اوعي تقولي عليه حاقد او حاسد لا والله وعلي فكره انت ان كنتي من الطبقه الكادحه فأنت ولله الحمد غنيه جدابحسن اخلاقك وذوقك
وانا اتمني ان يكون عندك بدل السياره
سيارات بعدد والوان فساتينك
مع تمنياتي لك دائما
بوافر الصحه والسعاده
ان شاء الله

ahmad يقول...

يمكن انا بش حاسس بالمشكلة دى علشان ابويا ربنا يخلهولى بش حارمنا من حاجة والحمد لله اى نعم الدنيا غالية بس انا حاليا بش حاسس بيها لما اخلص السنة الباقية فى دراستى احس بالازمة دى لكن منكرش انى فى حاجات تانية مستفزة هعمل ليها مدونة قريبا جدا .......

محمد فارس يقول...

السلام عليكم ورحمة الله وبركاته
اهلاااااااابيك يابو حميد
نورت المدونه
ربنا ما يحرمكش من والدك ويديم عليكم النعمه** لكن اعتب عليك لان المفروض انك تحس بكل من حولك وانت في طريقك بص علي الافران وكمان بص علي شكل الناس اللي ماشيه في الشارع بتكلم نفسهاواسالهم بيكلموا نفسهم ليه ولما هاتعرف الاجابه يمكن يصعب عليك حالهم وساعتها هاتحس بيهم وتحمد ربنا انك ما وصلتش لهذه الحاله
وانا في انتظار مدونتك
علشان اعرف ايه اللي بيستفذك
مع تمنياتي لك بحياه سعيده مليئه بالنعم

*البت المشمشية *حلوة بس شقية * يقول...

احلا حاجة فى المصريين انهم بيرضو بلقليل واللى موجود

fashkool يقول...

العزيز محمد فارس .. تحياتى
د. توكل طلب منى تغيير اسم المدونه واليك وجهة نظرى
اولا اسم فشكول هو اسم المدونه وليس اسمى .. وقد اخترته لانه له قصة معى وهو انى زمان كنت اشترى جريدة الوفد وكان كل الناس تشحت الجريده منى وتفشكلها وعلى ذلك سميت الجريده اسم فشكول ولما فكرت فى عمل مدونه رأيت ان اسميها باسم يعبر عن واقع وحال المواطن المصرى اللى عمال يلبس طواقى على الروس ومش عارف لدرجة انه اتفشكل وما بقاش يعرف يعمل حاجه خالص والمرتب منه شويه لهنا وشويه لهنا وما فيش فايده .. واصبح الانسان المصرى متبهدلا .. وهو اسم حال للمواطن وليس اسمى انا ولذلك سميت المدونه بهذا الاسم
والمدونه انتشرت واشتهرت بهذا الاسم وصعب العدول عنه وتسميتها باسم آخر وهناك مدونه اخرى لى اسمها صعلوك ولكن لم ابدأ العمل بها الى الان وهى ايضا لسان حال المواطن المصرى
تحياتى يا محمد فارس

محمد فارس يقول...

الاخت المشمشيه
شاكر جدا لزيارتك للمدونه
والحمد لله علي القناعه

محمد فارس يقول...

السلام عليكم ورحمة الله وبركاته
اخي العزيز احترمت وجهة نظرك بالنسبه لاسم المدونه وانا عارف ان اول اسم للمدونه بيكون عزيز جدا علي صاحبه
مع تمنياتي لك بدوام الصحه والسعاده

شخـا بيــط مـحـجـوب يقول...

تحياتى ليك مدونتك جميلة اسلوبك رائع

إحنا كمان نفسنا فى العيش ده فعلا

تحياتى ليك وتقبل مرورى

شخابيط mahgoub

محمد فارس يقول...

شخابيط شرفني مرورك علي المدونه
وانا شاكر جدا لزيارتك
وشكرك للمدونه
مع خالص تحياتي

حازم سويلم يقول...

اوعى تكون بتدعى الفقر, انا عارف مدرسى الثانوى, والدروس المخصوصة, فاهمنى

بعدين اذا كان جنابك تايه فى طابور العيش, كما انك لم تستطع اقناع المدام بان ما تحمله هو رغيف عيش, فبتفكر فى العربيات ليه

اصحى يا مصر : اسلام ديو يقول...

اعتمد على ان لا تستفذ من كتابات اخرى
وخد بالك بأن تدوينتك وقلمك هما اكبر واقوى منقد لأى شئ
كلامك جميل ولله خلانى اقول ان مش انا لوحدى اللى بتكلم

المدونة جميلة ورائعة تقبل مرورى على حين بإذن الله التواصل

محمد فارس يقول...

الاخ العزيز
حازم سويلم نورت وانستني
بس انا شامم ريحة قر
طب مانت كمان عارف الناس قاتله وسارقه ونهبه وبتاخد فلوسهم وتطلعهم براءه بلسانك اللي بينقط سكر اوعي تزعل وبعدين انا كا بفكرش في العربيه
راجع الموضوع انت ظلمتني

محمد فارس يقول...

نورت المدونه واسعدتني زيارتك ورأيك
يااللي عمال تصحي في مصر وياريتها تسمعك اخي العزيز لو لم نستفذ مما يحدث حولنا من نهب واواوا
ماكتبنا
تمنياتي ان تدوم الزياره

قوس قزح يقول...

و الله حكاية الاحتياج للعربية دى ممكن ميكونش بس رفاهية
فى ناس لو مش معها عربية تخسر شغلها خصوصا لو فى اماكن بعيدة زى مدن الشباب الجديدة
يعنى اللى اقصده ان مش شرط علشان الواحد يشترى عربية يكون مرفه و لا انه يكون معاه تمن الف رغيف عيش ..لان اغلب اللى بيشترى عربية دلوقتى بيشتريها بالتقسيط المريح جدا

انا بس عايزة اعلق على حاجة تانية اهم
و هى ان اختلاف الراى لا يفسد للود قضية
و علشان كده بحيى مفقوعة على اسلوبها الراقى فى التعليق و بحييك على تقديرك لتعليقها

فعلا الانسان لازم يكون بهذا الرقى فى النقاش وقت اختلاف الراى

تحياتى

محمد فارس يقول...

presandorالسلام عليكم ورحمة الله وبركاته
الاخت العزيزه والاستاذه الفاضله
صاحبة مدونة قوس قزح
انا سعيد جدا لزيارتك للمدونه
وكانك جئتي لتهنئيني بعيد ميلادي
لان تعليقك ومرورك علي المدونه صادف
يوم مولدي مما جعله عيد حقيقي لي وللمدونه ايضا
واشكرك جدا لاسلوبك المتميز
واهتمامك بتعليق الاخرين مما يزيد الترابط بين المدونين
اما عن موضوعنا (السيارات)
انا والله العظيم لو جميع فئات الشعب
اصبحوا مالكين لسيارات لسعدت لهم
حتي لو لم امتلك دراجه
والدي الله يرحمه فتح اعيننا علي ان الخير لم يزيد بيعم
علي الاقل الاقي مكان في الاتوبيس
هههههههه
واخيرا اشكر حضرتك جدا
وارجو ان تدوم الزياره
فأن شاءالله سيكون هناك موضوع جديد قريبا
ان شاء الله
مع تمنياتي لك بدوام الصحه والسعاده
ان شاء الله

حاجات جوايا يقول...

السلام عليكم اخى الفاضل

كيف حالك ؟ وحال اسرتك الكريمة ؟
جئت لأتفقد جديدك فعلمت ان عيد ميلاد حضرتك كان منذ بضعة أيام
كل عام وانت بخير وبكل الصحة والعافية
كل عام وانت إلى الله اقرب

اعذرنى لتأخرى

خالص تحيتى واحترامى
سالى

محمد فارس يقول...

الاخت الغاليه
والاستاذه الفاضله** سالي
اشكرك جدا لزيارتك ومرورك علي المدونه وكنت اتمني ان تجدي ما يسرك
رغم سعادتي بتعليقاتكم وكأن كل تعليق مصباح يضئ المدونه
وان شاء الله قريبا ستجدي موضوع جديد
ان شاء الله
وكل عام وانت وجميع الاخوه والمدونون
بخير وبصحه وسعاده بمناسبة المولد النبوي الشريف
عليه الصلاة والسلام
مع تمنياتي بدوام الصحه والسعاده